Aldrei!

Við höfum akkúrat ekkert að gera með Starbucks hér. Það er nóg af fínum íslenskum kaffihúsum og alveg óþarft að láta einhverja ammríska keðju valda yfir þau. Svo er eins með Starbucks og Subway að pantanir eru mjög flóknar og alltof margt sem þarf að ákveða áður en maður fær kaffibolla. Einhvern tíma kom fram að til þess að fá bát á Subway þyrfti að svara 13 spurningum. Má ég þá heldur biðja um Mokka!

Ræðir við Starbucks um opnun á Íslandi

Blaðadraslið

Ég held að fólk sé hætt að nenna að safna blöðum í marga daga til að fara svo með í gámana. Þetta eru þvílík býsn sem hrúgast inn hjá manni að helst þyrfti að fara daglega. Víða annars staðar, m.a.s. í Bandaríkjunum, eru allir með tvær tunnur; aðra fyrir almennt sorp og hina fyrir endurvinnanlegt sorp. Síðan eru þær teknar í sitthvoru lagi. Úr því að sveitarfélögin verða fyrir kostnaði vegna urðunar á öllum þessum blöðum gæti kannski borgað sig fyrir þau að koma sér upp endurvinnslubílum sem færu þá um og tækju endurvinnanlegt sorp.

Flokkunarátaki hleypt af stokkunum

Mbl - mál

Þessi frétt sem slík er ekki tilefni skrifanna, þótt vegareiði sé stóralvarlegt mál, en það sem ég vildi koma á framfæri við mbl. menn er að sleppa því að hafa "meira" fyrir neðan fréttir þegar það er ekkert meira. Meira var það nú ekki!

Réðust á ökumanninn eftir árekstur

Ég tek undir það.

Ég held að myndbandið sem fylgir hér með segi allt sem þarf.

 

Segir stökkskó varasama

Er ekki allt í lagi?

Mér sýnist, miðað við fréttir, að eitthvað mikið hljóti að vera að hjá meiraprófsbílstjórum, sem ég tilheyri reyndar sjálfur. Menn aka niður slár, reka eitthvað uppundir í göngum, skafa niður allt innvols í göngunum á Austfjörðum og vita ekkert hvað það sem þeir hafa sett ofan á kassann er hátt. Svo er bara keyrt. Mér líst ekkert á hvað allar fréttir af flutningabílstjórum eru orðnar neikvæðar. Eru þetta almennt einhverjir bjánar?

Slá féll á bíla á Miklubraut

Tvinnbílar

Þetta fannst mér dæmalaust skemmtileg frétt því ég var að horfa á fréttir hér fyrir vestan á þriðjudaginn um að Toyota sæti uppi með óheyrilegan fjölda af Prius tvinnbílum því að þótt einhverjar kvikmyndastjörnur hafi viljað láta bera á sér með því að kaupa "umhverfisvæna" bíla þá er almenningur ekki á því hér vestra. Svo hefur hefur líka komið í ljós að þótt rafmótorinn í þessum bílum verði til þess að bensíneyðsla er engin niður brekkur þá er bensínvélin í þeim oftast svo máttlaus að þegar hún er í notkun eyðir hún hressilega. Þannig er t.d. Ford Escape tvinnbíll ekkert síður eyðslufrekur á bensín en venjulegur Escape. Mönnum líður bara svo dæmalaust vel ef þeir halda að þeir séu umhverfisvænir.

Hægt að fjölga tvinnbílum umtalsvert á næstu árum

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.